![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Hervin Çuli është rizgjedhur drejtor i Teatrit Kombëtar. Lajmi konfirmohet për “Gazeta Shqiptare” nga burime nga Ministria e Kulturës.
Të njëjtat burime saktësojnë se ka qenë Ministria e Kulturës ka propozuar tek Këshilli i Ministrave emrin e Çulit për të vijuar të qëndrojë në krye të Teatrit Kombëtar.
Vendimi më pas është bërë publik edhe në vendimet e qeverisë këtë të mërkurë.
Drejtori në detyrë, ka qenë për katër vite në krye të TK-së dhe prej dy muajsh është i komanduar deri në zgjedhjen e drejtorit të ri.
Pas mbarimit të mandatit të Hervin Çulit, Ministria e Kulturës pati shpallur konkursin për drejtorin e ri të Teatrit Kombëtar.
Në garë për drejtimin e institucionit, godina e të cilit është në qendër të vëmendjes prej dy muajsh kanë qenë edhe Ema Andrea, Laert Vasili dhe Genc Fuga.
Kandidatët duhet të propozonin një platformë për administrimin dhe promovimin e Teatrit Kombëtar.
Kujtojmë se disa herë në daljet publike, Çuli pati sqaruar argumentimin e tij pse duhet të prishet godina aktuale e teatrit.